ПУБЛІЧНАЯ ЛЕКЦЫЯ “URBI ET ORBI” АЛЕГА ЧЭРПА “СЦЭНАРЫ БУДУЧЫНІ: ЭКАЛОГІЯ VS ПАЛІТЫКА” 28/10

ALCZТАВАРЫСТВА “ЗЯЛЁНАЯ СЕТКА” І ЛЯТУЧЫ УНІВЕРСІТЭТ

ПУБЛІЧНЫЯ ЛЕКЦЫІ “URBI ET ORBI

АЛЕГ ЧЭРП

СЦЭНАРЫ БУДУЧЫНІ: ЭКАЛОГІЯ VS ПАЛІТЫКА

28 кастрычніка таварыства «Зялёная Сетка» і Лятучы Універсітэт запрашаюць на публічную лекцыю прафесара Алега Чэрпа «Сцэнары будучыні: экалогія VS палітыка», якая пройдзе ў галерэі «Ў» (праспект Незалежнасці 37а). Пачатак у 19.00. Уваход вольны.

Сучасныя кампутарныя мадэлі і натуральныя навукі прагназуюць сцэнары сацыяльнага развіцця. Пры такіх сцэнарах тэхнічна магчыма як захаванне глабальных экасістэм, перш за ўсё клімату, так і эканамічны рост. Аднак незразумела, наколькі такія перспектывы магчымыя з палітычнага і сацыяльнага пункту гледжання. Як звязана рашэнне экалагічных і эканамічных праблем з праблемамі гуманітарнымі? Якім будзе чалавек у гэтым «новым свеце»? Ці магчыма ў рамках прапанаваных мадэляў улічыць нявызначанасць, звязаную з чалавечым фактарам? Што прапануюць гуманітарныя і сацыяльныя навукі ў рамках сцэнарыяў развіцця чалавецтва?

Запрашаем абмеркаваць ролю грамадскіх навук у пошуках адказу на гэтае актуальнае пытанне.

Даведка пра лектара:

Алег Чэрп, прафесар універсітэта Лунда (Швецыя), Цэнтральна-еўрапейскага універсітэта (Венгрыя). Алег Чэрп з’яўляецца прафесарам кафедры навук аб навакольным асяроддзі і палітыцы. Даследчыя інтарэсы ўключаюць энергетычную бяспеку і стратэгіі  ўстойлівага развіцця ў сітуацыі транзіту. Быў дакладчыкам Працоўнай групы па навакольным асяроддзі (у тым ліку змяненне клімату) Сёмай рамачнай праграмы (FP7) Еўрапейскай камісіі. Мае доктарскую ступень Манчэстэрскага ўніверсітэта, працаваў з НДА і Арганізацыяй Аб’яднаных Нацый у Цэнтральнай Азіі, Расіі і Беларусі.

Вы можаце сачыць за каментарамі да гэтага запісу праз RSS 2.0 feed. Вы можаце пакінуць каментар, альбо trackback з вашага ўласнага сайта.

 

Пакінце каментар